Jæja þá eru 2 skyndipróf búin í skólanum, stærðfræði og lífeðlisfræði, og gekk mér bara ágætlega á báðum. Fékk 8,2 í stærðfræði sem er alveg svona ásættanlegt en gæti alveg gert betur og ég á enn eftir að fá úr lífeðlisfræði. Vonum bara það besta;)
Það var ekki mikið gert hjá mér um helgina. Ég var svo ótrúlega þreytt eftir held ég bara vikuna, ég var alveg uppgefin og fór bara eldsnemma að sofa á föstudeginum. Á laugardeginum fór ég í smá heimsókn til Hildar elsku í ballettinum og hún og Halla elduðu alveg indæliskvöldmat fyrir mig (Hjördís gat því miður ekki séð sér fært um að mæta því hún var boðuð í afmælispartý í hinum enda bæjarins). Þannig að við skemmtum okkur alveg prýðisvel með rósavínsglas í hendi:D Horfðum síðan á Miss World, Sounds og Style (sem er svona tískusýning og tónelikar í leiðinni, fullt af frægum söngvurum) og skelltum síðan Notebook í tækið. Ég náði samt því miður ekki að klára hana því að ég vildi ekki láta Arnór, elskuna mína, sækja mig alltof seint.
Eitt annað mjög merkilegt sem ég lenti í á laugardaginn var að ég fékk bréf frá henni Sif minni, litla Ítalanum sem flúði land fyrir rúmum mánuði síðan. Takk æðislega fyrir það ástarpungur, þetta var ekkert smá sætt af þér. Þitt bréf ætti að vera á leiðinni ef það er ekki bara nú þegar komið.
Þú veist samt örugglega allt sem stendur í því þar sem ég er búin að tala við þig á msn:S en æ það er alltaf gaman að fá bréf og er annað í vinnslu;)
En ég segi þetta gott í dag, á að vera að læra íslensku:S
Gangi mér vel í því prófi!

Blelli, Ólöf